Ulrike Greifeneders Seite

kleiner Kurs für Nicht- Ösis!

Macrogolglycerolhydroxystearat

I bin kraunk, de Nosn rinnt, da Hois brennt wia net gscheit.

De Guggn rot, i huast wia bled und nix gibt’s, wos mi gfreit.

So geh i hoid schnö zua mein Orzt, der hod fir mi an Rat:

Macrogolglycerolhydroxystearat!

Des Zeig is blau und miachtlt org. Ob i des gurgln mecht?

Erscht lies i de Gebrauchsaunweisung: im After gurglts schlecht!

So stehts do, wirklich, meina Sö! Wos haum Leid fir Ideen?

I hob a no Tyrothricin. Boid bin i wieda schen.

Dequaliniumchlorid und Propylenglycol

höffn do auf jedn Foi- du fühst di wieda wohl!

Mit Benzalkoniumchlorid und Dexamethason

bin i schnö belostbor wieda, jamma i kan Ton!

I bin zwor net so schwer marod, doch ma waaß jo nie...

Mei Leben rettet ma gaunz klor de Pharmaindustrie!